நாட்டில் தற்போது நிலவும் சீரற்ற காலநிலை காரணமாக ஏற்பட்டுள்ள அதிக மின் தடங்கல்களினால், மின்சார சபையின் அனைத்து வாடிக்கையாளர் அழைப்பு நிலையங்களும் நெரிசல் நிலையில் உள்ளன.
இதனால், உயிருக்கு ஆபத்தான நிலையிலுள்ள மின் தடங்கல் மற்றும் முக்கிய மின் தடங்கல் தொடர்பான முறைப்பாடுகளை, அழைப்பு நிலையங்கள் ஊடாக தெரிவிப்பதற்கு முன்னுரிமை வழங்க வேண்டியுள்ளது.
எனவே தற்போதைய சூழ்நிலையில் மின்சார சபையின் அழைப்பு நிலையங்களுக்கு அத்தியாவசியமற்ற அழைப்புகளை மேற்கொள்வதை தவிர்க்கவும். மேலும் உங்களது வீட்டிலோ அல்லது பிரதேசத்திலோ ஏற்படும் மின் தடங்கல்களை முறையிடுவதற்கு இதர டிஜிடல் வழிமுறைகளை பின்பற்றவும்.
- 1987 குறுந்தகவல் சேவை (SMS) ஊடாக.
- CEBCare கையடக்க தொலைபேசி செயலி ஊடாக.
- CEBCare இணையத்தள செயலி ஊடாக.
- https://ceb.lk/report இணைய பக்கம் ஊடாக.
இந்த இடர் நேரத்தில், உங்கள் ஒத்துழைப்பும் மற்றும் புரிதலும் மின்சார சபைக்கு மிகவும் அவசியமானதாகும்
