ජලය සමග සම්බන්ධවී සිටින අවස්ථාවල විදුලි උපකරණ භාවිතයෙන් වළකින්න..
භාවිතයේ නොපවතින විදුලි උපකරන පේනුවෙන් ඉවත් කර (අන්ප්ලග් කර) තබන්න.
ලෝහමය ද්‍රව්‍යයන්ගෙන් විදුලි උපකරණ ඇල්ලීමෙන් වළකින්න.
උපකරණයක් හා සම්බන්ධයෙන් කටයුතු කිරීමේදී ඔබේ දෑත් තෙතමනයෙන් යුතු නොවන බවට වග බලාගන්න.
විදුලි තාපක (ඉලෙක්ට්‍රික් හීටර්) හා විදුලි උඳුන් තැටි (හොට් ප්ලේට්) අසල රෙදි හෝ ගෘහ භාණ්ඩ තැබීමෙන් වළකින්න.
විදුලි තාපක (ඉලෙක්ට්‍රික් හීටර්) තැබීමේදී ගිණි ඇවිලීමකට ලක්විය නොහැකි සමතලා මතුපිටක තබන්න.
උපකරණවල විදුලි රැහැන් උඳුන් හා අනෙකුත් උණුසුම්වන ස්ථානයන් සමග ගැටීම වළක්වාගත යුතුය.
විදුලි උපකරණ පේනුවෙන් ඉවත් කිරීම (අන්ප්ලග් කිරීම) සඳහා රැහැනෙන් ඇදීම සිදු නොකළ යුතුය.
දිරාපත්ව හෝ බිඳීමට ලක්ව ඇති විදුලි රැහැන් වහා අළුත් ඒවාට මාරු කළ යුතුය.
නිවසේ ඇවිද යන ස්ථානයන්වලින් විදුලි රැහැන් ඉවත් කර තැබීමට කටයුතු කළ යුතුය.
දරුවන්හට සහ සුරතල් සතුන් හට ලඟාවිය නොහැකි වන පරිදි උපකරණවල විදුලි රැහැන් ආරක්ෂිතව තැබිය යුතුය.
එක්ස්ටෙන්ෂන් කෝඩ් (විදුලි රැහැන් දිගු) භාවිතය හැකිතාක් අඩු කරගත යුතුය.
පරිපථ බිඳින (සර්කිට් බ්‍රේකර්) හා විලායක (ෆියුසස්) මාරු කිරීමේදී නිවැරදි ප්‍රමාණයේ උපකරණ භාවිත කළ යුතුය.
නිවසෙන් බාහිර රැහැන් ඇදීම් (අවුට්ඩෝ වයරින්) වෙනම පරිපථයක පවත්වාගත යුතුය.
කෙවෙනි පිටුවාන (අවුට්ලට්) තුළට විදුලි පේනුවක් (ඉලෙක්ට්‍රික් ප්ලග්) හැර වෙන කිසිඳු දෙයක් ඇතුළු නොකළ යුතුය.
බුමුතුරුණු (කාපට් හෝ රග්ස්) යටින් හෝ බරැති ගෘහ භාණ්ඩ යටින් විදුලි රැහැන් ගෙන යෑමෙන් වළකින්න.
කෙවෙනි පිටුවාන (අවුට්ලට්) භාවිතයේදී නියමිත ප්‍රමාණය ඉක්මවා උපකරණ වැඩි ප්‍රමාණයක් එකවර සම්බන්ධ කිරීම මගින් කෙවෙනි පිටුවාන (අවුට්ලට්) ඕවර්ලෝඩ් කිරීමෙන් (අතිබැරතාවයට ලක් කිරීමෙන්) වළකින්න. උපකරණ වැඩි ප්‍රමාණයක් ඇත්නම් ඒ සඳහා අවට ඇති වෙනත් කෙවෙනි පිටුවාන (අවුට්ලට්) භාවිත කරන්න.
එක්ස්ටෙන්ෂන් කෝඩ් (විදුලි රැහැන් දිගු) නිවසෙන් පිටත කටයුතු සඳහා භාවිත කිරීමේදී, නිවසෙන් බැහැර පරිසරයන්වල භාවිත කිරීමට අනුමත කර ඇති එක්ස්ටෙන්ෂන් කොඩ් පමණක් භාවිත කිරීමට සැළකිලිමත් වන්න.
පිටත පිහිටා ඇති කෙවෙනි පිටුවාන (අවුට්ලට්) සඳහා ආරක්ෂාකාරී, කාලගුණයට ඔරොත්තු දෙන ආවරණ යොදන්න.
නිවසේ ප්‍රධාන විදුලි සිවිච්චය තිබෙන ස්ථානය පිළිබඳ දැන සිටින්න.
කිසිඳු විටෙක කෙවෙනි පිටුවානයක් (අවුට්ලට්) තුළට පේනුවක් ආයාසයෙන් ඇතුළු නොකරන්න.
අලුත්වැඩියා කිරීමේදී හා පිරිසිදු කිරීමේදී සියළු විදුලි උපකරණ අන්ප්ලග් කිරීම (පේනුවෙන් ඉවත් කිරීම) සිදුකරන්න.
යම් හෙයකින් වතුරට වැටුනු විදුලි උපකරණයක් ආපසු ගැනීමට උත්සහ කරන්නේ නම් ප්‍රථමව එය අන්පල්ග් කිරීමට (පේනුවෙන් ඉවත් කිරීමට) වගබලාගන්න.
කිසිඳු විටෙක විදුලි උපකරණයක් තෙතමනය සහිත ස්ථානයක, ජලය සමග සම්බන්ධව සිටිමින් භාවිත නොකරන්න.
විදුලි උපකරණ භාවිතයේදී කූරු තුනේ පේනු (ත්‍රී ප්‍රොන්ග්ඩ් ප්ලග්ස්) භාවිත කරන්න.
විදුලි තාපක (ඉලෙක්ට්‍රික් හීටර්) ගෘහ භාණ්ඩ හා තිර රෙදි ආදියෙන් අවම වශයෙන් අඩි හතරක් (4) දුරින් තබන්න.
විදුලි තාපක වර්ග ක්‍රියාත්මක වෙමින් තිබියදී නින්දට යාමෙන් වළකින්න. උදාහරණ: නිදන කාමර ආදී ස්ථාන උණුසුම් කිරීම සඳහා භාවිත කරන තාපක (ස්පේස් හීටර්) හා උණුසුම ජනනය කරන ඇතිරිලි (හීටින් පෑඩ්) /උණුසුම ජනනය කරන පැළඳුම් (බැක් ව්‍රැප් හීටින් පෑඩ්) ආදිය.
අධික ලෙස රත්වීමට ලක්වෙන උපකරණ සෑම විටම අන්ප්ලග් (පේනුවෙන් ඉවත් කිරීමට) කිරීමටත් වෘත්තිකයෙක් මගින් ඒවා අළුත්වැඩියා කරගැනීමටත් කටයුතු කරන්න.
විදුලි බුබුළු මාරු කිරීමේදී සෑම විටම ස්විචයෙන් ක්‍රියා විරහිතර කිරීමට කටයුතු කරන්න.
ඉහළින් දිවෙන ඇතැම් විදුලි රැහැන් බැලූ බැල්මට පරිවරණය කර ඇති බවක් පෙනුනද ඒවාට එක්කර ඇත්තේ කාලගුණයට ඔරොත්තුදීමේ හැකියාවක් පමණි. එම විදුලි රැහැන් ස්පර්ශ කිරීම ඉතා අනතුරුදායකය. එවන් විදුලි රැහැනක් ඔබේ ශරීරයේ මොනයම් හෝ කොටසක් සමග ස්පර්ශ වීම හෝ ඉනිමං, ලණු, රිටි, සරුංගල්, ගස් කප්පාදු කරන, අතු පාහින මෙවලම් ආදී මොනයම් හෝ වස්තුවක් මගින් ස්පර්ශ වීම බරපතල තුවාල ලැබීමකට හෝ මරණයට ලක්වීමට හේතුවිය හැකිය. විදුලි බලයට වතුර, යකඩ, ලී, ඇලුමිනියම්, නූල්, ප්ලාස්ටික් ආදී සන්නායක ද්‍රව්‍ය ඔස්සේ ගමන් කළ හැකිය. ඔබ කඩාවැටීමකට ලක්වූ විදුලි රැහැනක් දුටුවේ නම් ඉන් ඈත්වී සිටින්න, එමෙන්ම ඔබේ ආරක්ෂාවද සළසා ගනිමින් වෙනත් පුද්ගලයින් ද ලඟට යෑමෙන් වළක්වා ගන්න. වහා 1987 අංකය අමතා ලංවිම ඇමතුම් මධ්‍යසථානය සම්බන්ධ කරගෙන ඒ පිළිබඳ දැනුම් දෙන්න.
උසැති හෝ දිගැති ඉනිමං, පලංචි, ගස් කපන කියත්, තටාක පිරිසිදු කිරීමේ උපකරණ ආදී දෑ රැගෙන යෑමේදී පොළොවට සමාන්තර අතට රැගෙන යෑමෙන් ඉහළින් දිවෙන විදුලි රැහැන් සමග ගැටීමෙන් වළක්වා ගන්න. එමෙන්ම ඔබ ඒවා ඉහළට එසවීමේදී විදුලි රැහැන්වල නොගැටෙන බවට වගබලාගන්න.
එළිමහන් විදුලි උපකරණ භාවිතයේදී සපත්තු පැළඳ සිටින්න.
නියමිත දුර ප්‍රමාණයන් පවත්වාගන්න. ඔබේ ආරක්ෂාව සඳහා නීතියෙන් අනිවාර්ය කර ඇති දුර ප්‍රමාණයන් ඇත. විදුලි රැහැන් යටින් සිටිමින් හෝ අසල වැඩකරන විටදී අඩි දහයක අවම පරතරයක් පවත්වා ගැනීම අත්‍යාවශ්‍ය වේ.
ආරක්ෂක ක්‍රමවේදයන් පිළිබඳ දරුවන් දැනුම්වත් කළ යුතුය. ඔවුන් හට බාහිර විදුලිබල උපකරණ වන විදුලි උපපොල (සබ්ස්ටේෂන්), සම්ප්‍රේෂණ කුළුණු (ට්‍රාන්ස්මිෂන් ටවර්ස්), ට්‍රාන්ස්ෆෝමර සහ විදුලි රැහැන්වලින් ඈත්ව සිටීමට උපදෙස් දිය යුතුය.
විදුලි රැහැනක් අසල පිහිටා ඇති හෝ විදුලි රැහැනක් සමග ස්පර්ශ වන ගස්වලට නැගීමෙන් හෝ ස්පර්ශ කිරීමෙන් වළකින්න.
පිටත පිහිටා ඇති කෙවෙනි පිටුවාන (අවුට්ලට්) වල දෝශ සහිත පරිපථයක් මගින් විදුලි කාන්දුවීමක් සිදුවුව හොත් විදුලි සබඳතාවය ස්වයංක්‍රීයව නවතා දැමීමට අවශ්‍ය උපාංගයක් (ground earth leakage current interrupter) පවතින බවට වගබලාගන්න. මෙය ඔබගේ සහ නිවැසියන්ගේ ආරක්ෂාව සඳහා විදුලි සැර වැදීමෙන් වැලකීමට ඉතා වැදගත් කරුණකි.
ඉහළින් දිවෙන ඇතැම් විදුලි රැහැන් බැලූ බැල්මට පරිවරණය කර ඇති බවක් පෙනුනද ඒවාට එක්කර ඇත්තේ කාලගුණයට ඔරොත්තුදීමේ හැකියාවක් පමණි. එම විදුලි රැහැන් ස්පර්ශ කිරීම ඉතා අනතුරුදායකය. එවන් විදුලි රැහැනක් ඔබේ ශරීරයේ මොනයම් හෝ කොටසක් සමග ස්පර්ශ වීම හෝ ඉනිමං, ලණු, රිටි, සරුංගල්, ගස් කප්පාදු කරන, අතු පාහින මෙවලම් ආදී මොනයම් හෝ වස්තුවක් මගින් ස්පර්ශ වීම බරපතල තුවාල ලැබීමකට හෝ මරණයට ලක්වීමට හේතුවිය හැකිය. විදුලි බලයට වතුර, යකඩ, ලී, ඇලුමිනියම්, නූල්, ප්ලාස්ටික් ආදී සන්නායක ද්‍රව්‍ය ඔස්සේ ගමන් කළ හැකිය. ඔබ කඩාවැටීමකට ලක්වූ විදුලි රැහැනක් දුටුවේ නම් ඉන් ඈත්වී සිටින්න, එමෙන්ම ඔබේ ආරක්ෂාවද සළසා ගනිමින් වෙනත් පුද්ගලයින් ද ලඟට යෑමෙන් වළක්වා ගන්න. වහා 1987 අංකය අමතා ලංවිම ඇමතුම් මධ්‍යසථානය සම්බන්ධ කරගෙන ඒ පිළිබඳ දැනුම් දෙන්න.
උසැති හෝ දිගැති ඉනිමං, පලංචි, ගස් කපන කියත්, තටාක පිරිසිදු කිරීමේ උපකරණ ආදී දෑ රැගෙන යෑමේදී පොළොවට සමාන්තර අතට රැගෙන යෑමෙන් ඉහළින් දිවෙන විදුලි රැහැන් සමග ගැටීමෙන් වළක්වා ගන්න. එමෙන්ම ඔබ ඒවා ඉහළට එසවීමේදී විදුලි රැහැන්වල නොගැටෙන බවට වගබලාගන්න.
එළිමහන් විදුලි උපකරණ භාවිතයේදී සපත්තු පැළඳ සිටින්න.
නියමිත දුර ප්‍රමාණයන් පවත්වාගන්න. ඔබේ ආරක්ෂාව සඳහා නීතියෙන් අනිවාර්ය කර ඇති දුර ප්‍රමාණයන් ඇත. විදුලි රැහැන් යටින් සිටිමින් හෝ අසල වැඩකරන විටදී අඩි දහයක අවම පරතරයක් පවත්වා ගැනීම අත්‍යාවශ්‍ය වේ.
ආරක්ෂක ක්‍රමවේදයන් පිළිබඳ දරුවන් දැනුම්වත් කළ යුතුය. ඔවුන් හට බාහිර විදුලිබල උපකරණ වන විදුලි උපපොල (සබ්ස්ටේෂන්), සම්ප්‍රේෂණ කුළුණු (ට්‍රාන්ස්මිෂන් ටවර්ස්), ට්‍රාන්ස්ෆෝමර සහ විදුලි රැහැන්වලින් ඈත්ව සිටීමට උපදෙස් දිය යුතුය.
විදුලි රැහැනක් අසල පිහිටා ඇති හෝ විදුලි රැහැනක් සමග ස්පර්ශ වන ගස්වලට නැගීමෙන් හෝ ස්පර්ශ කිරීමෙන් වළකින්න.
පිටත පිහිටා ඇති කෙවෙනි පිටුවාන (අවුට්ලට්) වල දෝශ සහිත පරිපථයක් මගින් විදුලි කාන්දුවීමක් සිදුවුව හොත් විදුලි සබඳතාවය ස්වයංක්‍රීයව නවතා දැමීමට අවශ්‍ය උපාංගයක් (ground earth leakage current interrupter) පවතින බවට වගබලාගන්න. මෙය ඔබගේ සහ නිවැසියන්ගේ ආරක්ෂාව සඳහා විදුලි සැර වැදීමෙන් වැලකීමට ඉතා වැදගත් කරුණකි.
